বিতা কালি, ৭ই আগস্ট, শুকুরবার জলপাইগুড়ি জেলার রাজগঞ্জ ব্লকের মাঝিয়ালি অঞ্চলত “বিশ্ব রাজবংশী উন্নয়ন মঞ্চ” সামাজিক সংগঠনের ধারাগছ শাখা কমিটি গঠন করা হইল। মানি ভূপেন চন্দ্র রায় ও মানি বিশ্বজিৎ রায় যথাক্রমে মাড়েয়া ও গড়েয়ার দায়িত্ব দিয়া কমিটি গঠন করা হয়। বিশ্ব রাজবংশী উন্নয়ন মঞ্চের কেন্দ্র কমিটির গড়েয়া, মাড়েয়া, ভান্ডরীসহ ভেইল্লা সদস্য হাজির আছিল। ভান্ডারী ডাঙ্গরিয়ানী মিঠু বর্মন আইসা দিনত সংগঠনের কামকাজত বেশি বেশি করি রাজবংশী নারী সমাজক আগেয়া আসিবার ডাক দেন। হিদ্দের শুবাঞ্ছা আরোহ্ অভিনন্দন থাকিল হাজির বিশ্ব রাজবংশী উন্নয়ন মঞ্চের সউগ সদস্যক।
